சண்முகமாலை 3 | Shanmuga Maalai | இராமானந்த சுவாமிகள் | Siravai Adheenam

மாதை மழைப்பதிகம் | வண்ணச்சரபம் தண்டபாணி சுவாமிகள் | Siravai Adheenam

வண்ணச்சரபம் தண்டபாணி சுவாமிகள் அருளிய மாதை மழைப்பதிகம்... பதிகம்: 1 கலாபமயி லாதியவும் காசினியோ ரிட்டபயிர் எலாமுமிகச் சோர்வுற்ற இக்கணமே மழைபெயச் செய்! நிலாவுதெய்வம் முழுதானாய்! நீசமுற்ற சூர்யன் தான் துலாமதியில் இவ்வாறு துலங்குவது முறையன்றே. பதிகம்: 2 அசுரரினும் கொடியாருக் கரசளித்த கொடுமையன்றி விசுவமதை மழையின்றி வெதுப்புவதும் முறைதானோ? முசுவினுக்கும் உலகீந்த முக்கணன் ஆதியர் ஆனாய்! நசுநசுத்த மழையிந்த நாள் தொடங்கிப் பெயச்செய்யே. பதிகம்: 3 பெறலரும்பே றாகிமழை பேருலைகப் பிணிப்பதனால் இறவியொடு பிறவியற்றோர் யாரேனும் இலர்கொல்லோ? அறம்வளர்த்தாள் ஆதியதே வத்தனையும் ஆம்ஒன்றே மறமுழுதும் தீர்வதற்காம் வகைசெயச்சற் றிரங்குதியே. பதிகம்: 4 உலகளிக்கும் தயை நீங்கி ஒழிப்பதற்குத் துணிந்தான்போன்று இலங்குகின்றாய்! மழையின்றேல் யாதேனும் உயுங்கொல்லோ? மலரவனை ஈன்றநெடு மால்முதலா மறைகூறும் பலபலதே வருமாகிப் பரந்துளதோர் பரம்பொருளே பதிகம்: 5 நல்லார்இங் கொருவர்உற்றால் நால்வகையோ னியிற்சீவர் எல்லார்க்கும் மழைபெயும்என் றியம்பியசொற் பழுதாமோ? பொல்லாதென்றுரைத்தாற்கும் புகழ்விளைத்த பூட்கைமுதல் வல்லார் ஏத் தியதெய்வ வகைமுழுதாய் வாழ்வானே. பதிகம்: 6 நின்பாடல் அத்தனையும் நிகழ்த்துவிப்போன் யானென அன்று அன்பாளர் இருவரெதிர் அறைந்தமைசத் தியமானால் வன்பாரும் அறிந்துவப்ப மழையின்னே பெயல் வேண்டும் கொன்பாவும் வேலன் முதற் குலவுநர் முற் றாவானே. பதிகம்: 7 இச்சகத்திற் கார்காலம் எரிவேனில் ஆதல்உணர்ந்து அச்சமுற்றுப் பலர்கூவென் றழுகின்றார். அருளாண்மை மிச்சமுறும் ஒருதொண்டன் மேதினியில் இலைகொல்லோ? பொச்சமிலார் உளந்தோறும் புகுந்தொளிரும் பூரணமே. பதிகம்: 8 முன்னாளில் நெல்லையில் என் மொழிக்காக மழைஈந்தாய்! இந்நாளில் ஆமாத்தூர் இடத்ததுசெய் தருளாயோ? பின்னாளிற் பெற்ற அருட் பேறிளைத்தால் இழிவுன்னை மன்னாதோ? அளப்பரிய மதந்தொறும்வாழ் வண்மையனே. பதிகம்: 9 ஒருமதத்தோர் தொழுந்தேவென்றுரைத்தமொழிப் பலித்தெங்கும் மருவுபரம் எனப்போற்றல் வம்புபடத் தகுங்கொல்லோ? கருமுகில்பெய் திடுநாள்புல் கருகவிடல் கொடிதன்றோ? சருவபிர சாதம்மனஞ் சான்றாகத் தருந்தேவே. பதிகம்: 10 மெய்யுலகும் என்மனமும் வியப்பவிளை யாடிடும்நீ பெய்யுமுகிற் புனல்ஈந்திப் பேயுலகம் களிகூரச் செய்யுமதற் கிசையாயோ? திருவருளிற் பிழையுண்டோ? பொய்யுரைக்கும் பாதகர்க்கும் போகம்ஈந் தருள்வானே. பதிகம்: 11 அன்றிருவர்க் கருள்ஈந்திட் டகிலம்அழும் துயர்கண்டுட் கன்றிடலின் மனந்தேற்றும் கறைகண்டன் முதலோரா நின்றகத்திந் நாள்எனைஇந் நெடுந்துயர்செய் திடுவானே! பொன்றிடல்தீர் முகில்மாரி பொழிய அருள் புரிவாயே. பதிகம்: 12 வெறும்பாடற் புலவருக்கும் விருப்பளித்து வியன்சந்தம் உறுபாடற் கிரங்காத தொத்திருக்கும் ஒன்றின்பால் செறும்பான்மைக் கலியஞ்சத் திருப்புகழோன் செப்புமிவை குறும்பாளர் இகழாமல் குலவுநிற்பார் குளிர்தருமே.

செந்தமிழ் முருகன்

     அன்னை தமிழ், காலத்தால் மூத்தது. தமிழனது வாழ்வியல், நாகரிகம், பண்பாடு போன்றவற்றை இரண்டாயிரம் ஆண்டுகட்கு முன்னரே நம் சான்றோர், இலக்கியங்களிலேயும் நல் இலக்கணங்களிலேயும் பதிவு செய்து வைத்துள்ளனர்.

     கடைச்சங்க நூல்களாகிய நற்றிணை, குறுந்தொகை, ஐங்குறுநூறு, பதிற்றுப்பத்து, பரிபாடல், கலித்தொகை, அகநானூறு, புறநானூறு என்னும் தொகைநூல்களின் மூலமும், பத்துப்பாட்டு, திருக்குறள், சிலப்பதிகாரம், மணிமேகலை ஆகிய நூல்களின் வழியாகவும் நமது கலாச்சார மாண்பினை அறிய முடிகிறது.

     இத்தகைய இலக்கியங்களுக்கெல்லாம் இலக்கணமாய்த் திகழ்வது ஒல்காப்புகழ் தொல்காப்பியர் வகுத்த தொல்காப்பியம் ஆகும். இந்த நூல்களின் சான்று கொண்டுதான் தமிழர்களது வாழ்வியல் நெறிகளை உணர்ந்துகொள்ள முடிகிறது.

     கடைச்சங்க காலத்தின் இறுதியிலிருந்துதான் நமக்கு ஆதாரங்களும் பதிவுகளும் கிடைத்துள்ளன. கி.பி. 250-க்கும் முற்பட்ட கால வெளியிலிருந்து நமது பண்பாட்டு நெறிகள் கண்டுணர இத்தகைய இலக்கணங்கள், இலக்கியங்கள் பயன்படுகின்றன.

     'களப்பிரர்' என்னும் வேற்று நாட்டவர் தமிழகத்தைக் கைப்பற்றியதற்கு முன்புள்ள காலத்தையே கடைச்சங்க காலத்தின் இறுதி என வரலாற்று ஆய்வாளர் திரு.மயிலை சீனி.வேங்கடசாமி போன்ற பெருமக்கள் கருதுகின்றனர்.

     தொல்காப்பியம் இயற்றப்பட்ட காலம் கி.மு. 8-ஆம் நூற்றாண்டாகும்.

     கி.மு. 8-ஆம் நூற்றாண்டுக்கும், கி.பி. 3-ஆம் நூற்றாண்டுக்கும் இடைப்பட்ட காலத்தில் தமிழ்நாட்டின் தெய்வ வழிபாடு எத்தகைய நிலையில் இருந்தது என்பதைப் பார்ப்போம்.

     இந்தக் காலத்தை ஆய்வாளர்கள் தனித்தமிழ்ச் சமயம், என்றும் ஆரியக் கலப்புள்ள சமயம் நிலவிய காலம் என்றும் இரு கூறாகப் பிரிக்கின்றனர்.

     தனித்தமிழ்ச் சமயம் என்பது, ஆரியக் (வட இந்திய) கலப்பற்ற கி.மு. 3-ஆம் நூற்றாண்டுக்கு முற்பட்ட சமயம்.

     ஆரியக் கலப்புள்ள சமயம் என்பது, கி.மு. 3-ஆம் நூற்றாண்டிற்குப் பிற்பட்ட சமயமாகும்.

     அந்தக் காலகட்டத்திலே தமிழ் கூறும் நல்லுலகில், தமிழர் வணங்கிய தமிழ்த் தெய்வ வழிபாட்டைப்பற்றித்தான் தொல்காப்பியம் குறிப்பிடுகிறது.

     பழந்தமிழரின் அகவாழ்க்கையைப்பற்றியும் புறவாழ்க் கையைப்பற்றியும் குறிப்பிடுகிறது தொல்காப்பியம். முல்லை நிலம், குறிஞ்சி நிலம், மருதநிலம், நெய்தல் நிலம் ஆகிய நிலப்பரப்புகளில் வாழ்ந்த பைந்தமிழ்ப் பெருமக்களின் வழிபாட்டுத் தெய்வங்களைப்பற்றிக் கூறுகிறது தொல்காப்பியம்.

            முல்லை நிலத்துக் கடவுள் : மாயோன் (திருமால்)
            குறிஞ்சி நிலத்துக் கடவுள் : சேயோன் (முருகன்)
            மருத நிலத்துக் கடவுள் : வேந்தன் (இந்திரன்)
            நெய்தல் நிலத்துக் கடவுள் : வருணன்

    பழந்தமிழ் நிலப்பரப்பு 'நானிலம்' எனத் தொல்காப்பியத்தால் வழங்கப்பட்டது. இந்த நால்வகை நிலத்திலும் வாழ்ந்த பண்டைய தமிழ்ப்பெருமக்கள், அவ்வந்நிலத்தில் ஒவ்வொரு தெய்வத்தை வழிபட்டு வந்தனர். இவர்களது வழிபாட்டுத் தன்மையினையும் இயற்கையோடு இணைந்த தெய்வ வழிபாட்டினையும் பார்க்கின்ற போது தமிழரது நாகரிகத்தின் தொன்மை தெரிகிறது.

     செந்தமிழ் நாட்டின் சொந்தக் கடவுள் முருகப்பெருமான். பழந்தமிழர் குறிஞ்சி நிலத்தின் கடவுளாய் முருகனை வாழ்த்தி வணங்கி வந்திருக்கின்றனர். குறிஞ்சி நிலப்பகுதி. மலையும் மலைசார்ந்த பகுதியுமாகும்.

     அம் மலை நிலத்திலேயே ஆதிமனித வாழ்வு தொடங்கியிருத்தல் வேண்டும். அவ்வாறு தொடங்கிய மூத்த இனம்தான் தமிழினம்.

     அவர்கள் மலைபடு பொருள்களைக்கொண்டு வளமுற வாழ்ந்தனர். மொழி வகுத்து, இசை பயின்று, காதல் நிறுவி, நயத்தக்க நாகரிக வாழ்வினை வாழ்வின் வேள்வியாய்க் கொண்டவர்கள், அந்த குறிஞ்சிவாழ் மக்கள்.

     தென்னகமாகிய தமிழகமே - பண்டைத் தமிழகமே உலகின் தொல்லகம் என்பது ஆய்வாளரது கணிப்பு.

     உலகின் முதல் நிலப்பகுதி தமிழகம் என்பதும், உலகின் முதல் மனித இனம் தமிழினம் என்பதும், முதல் நிலப்பகுதியாய்த் தோன்றிய நிலப்பகுதி மலைப்பகுதியாய் இருந்திருத்தல் வேண்டும் என்பதும் நிலநூல் வல்லுநர் ஆய்வறிக்கையில் கண்டறியப்பட்ட சுவையான செய்திகள்.

     கண்கவர் இயற்கை வனப்பின் வடிவழகாய்த் திகழும் நெடிதுயர்ந்த மலை, கடவுளின் தோற்றமாகும். மலையில் விளைந்து குவிந்து கிடந்த பொருள்களும், மலையிடத்தில் வாழ்வோராகிய மலைவாழ் பெருமக்களும், பிற உயிர்களும் கடவுளின் வடிவங்களான இயற்கையின் வடிவங்களே.

     இயற்கையின் எழில்வைப்போடு உயர்ந்து விளங்கும் குறிஞ்சி நிலம் மனித வாழ்வுக் கென்று இறைவனால் படைக்கப்பெற்ற இயற்கை மாளிகை. இயற்கையோடு இயைந்த, இணைந்த வாழ்வியல்தான் குறிஞ்சி நிலத்து மக்களுக்குச் சுகத்தைத் தந்தது.

     தண்ணீரே முதற்படைப்பு. அதிலிருந்து மலையும், அதனைச் சார்ந்து மண்ணும், மண்ணிலிருந்து மற்றவையெல்லாமும் விளைந்தன என்பது உலகத் தோற்றத்தை அறிவிக்க வந்த ஒரு புராணக் கருத்து. எனவே, மக்கள் பிறந்த இடம் மலையகம் என்பதாகத்தான் தெரிகிறது.

     ஆகவே, மனிதவாழ்வின் முதிர்ந்த அறிவுநிலை கடவுட்கொள்கை. கடவுட்கொள்கையில் முதலில் தோன்றியது சமூக வழிபாடு. மலைத்தெய்வம் முதல் தெய்வம். அவனே செந்தமிழ் முருகன்.

(ப.முத்துக்குமாரசாமி அவர்களின் செந்தமிழ் முருகன் எனும் நூலிலிருந்து, பக்கம்: 9-13)

அருணகிரிநாதரும் – அறுபடை வீடுகளும்

   

சைவத்திருமுறைகள் பன்னிரண்டாகக் கணக்கிடுவதுபோல் முருகனது புகழ்பாடும் பாடல்களும் பன்னிரு திருமுறைகளாகக் கணக்கிடும் மரபு உள்ளது. இவ்வகையில் முருகனது அறுபடை வீடுகள் பற்றி அருணகிரியார் பாடிய திருப்புகழ்ப் பாடல்களை ஆறு திருமுறைகளாகக் கணக்கிடுவர்.

     ஆறு என்ற எண்ணிற்கும் முருகனுக்கும் மிக நெருங்கிய | தொடர்புள்ளது. முருகனது அவதார நிலையின் பொழுது சிவ பெருமானது நெற்றிக் கண்ணிலிருந்து தோன்றிய தீப்பொறிகள் ஓராறு. அத்தீப்பொறிகளைத் தாங்கிய தாமரைகள் ஓராறு. தாமரையிலிருந்து தோன்றிய குழந்தைகள் ஓராறு. அக்குழந்தைகளை எடுத்து வளர்த்த கார்த்திகை மகளிர் ஓராறு. பார்வதி தேவியார். இக்குழந்தைகளை எடுத்து அரவணைத்தபொழுது ஓருடலுடன் தோன்றிய முகங்கள் ஓராறு. சூரபதுமனைக் கொன்றொழிக்க மேற்கொள்ளும் கந்தசஷ்டி விரத நாட்கள் ஓராறு. முருகனது திருக்கண்கள் ஈராறு. முருகனை வழிபட மேற்கொள்ளும் ‘சரவணபவ' என்ற முருக மந்திரம் ஓராறு. 'குமாரயநம' என்ற மந்திரமும் ஓராறு. முருகனுக்குரிய யந்திரம் அறுகோணம் உடையது. இவைபோல் முருகன் உறையும் படைவீடுகளும் ஓராறு. ஆறுமுகப் பெருமானின் திருமுகங்கள் ஒவ்வொன்றும் ஒவ்வொரு திறனை நமக்கு வெளிப்படுத்துகின்றன என்பதனை அருணைத் திருப்புகழில் அருணகிரியார் கூறுகிறார்.

ஏறு மயில் ஏறி விளையாடும் முகமொன்று

     ஈசனுடன் ஞான மொழி பேசு முகமொன்று

கூடும் அடியார்கள் வினை தீர்த்த முகமொன்று

     குன்றுருவ வேல்வாங்கி நின்ற முகமொன்று

மாறு படுசூரரை வதைத்த முகமொன்று

     வள்ளியை மணம்புணர வந்த முகமொன்று

ஆறு முகமான பொருள் நீயருளல் வேண்டும்

     ஆதி அருணாசலம் அமர்ந்த பெருமாளே!

அறுபடை வீடு:

     முருகன் உறையும் படைவீடுகள் ஆறு. இப்படை வீடுகள் பற்றி முதன்முதலில் உரைக்கும் நூலாகப் பத்துப்பாட்டில் ஒன்றாகிய நக்கீரர் எழுதிய திருமுருகாற்றுப்படை திகழ்கிறது. திருப்பரங்குன்றம், திருச்சீரலைவாய், திரு ஆவினன்குடி, திருவேரகம், குன்றுதோறாடல், பழமுதிர்ச்சோலை என்ற ஆறு தலங்களையும் ஆறுபடை வீடுகளாகக் கருதுவர்.

      திருச்செந்தூரில் முருகன் சூரபதுமனை வென்றார். திருப்பரங்குன்றில் தெய்வானையைத் திருமணம் செய்துகொண்டார். குன்றுதோராடலாகிய திருத்தணியில் வள்ளியை மணமுடித்தார். ஆவினன்குடியில் குழந்தையாக உள்ள முருகன் பிரணவப் பொருள் அறியாத பிரம்மனைச் சிறையிலிட்டார். பிரம்மனை விடுவிக்கவந்த சிவபெருமானிடம் பிரணவப் பொருள் உணர்த்திய தலம் சுவாமிமலையாகவும், வள்ளி தெய்வானையோடு திகழும் தலமாகப் பழமுதிர்ச்சோலையும் திகழ்கின்றன.

      நமது உடலில் ஆறு ஆதாரங்கள் உள்ளன. இவ்வாறு ஆதாரங்களே ஆறுபடை வீடுகளாக அமைந்துள்ளன என்பர். மூலாதாரம் திருப்பரங்குன்றம், சுவாதிட்டானம் திருச்செந்தூர், மணிபூரகம் ஆவினன்குடி, அநாகதம் சுவாமிமலை, விசுத்தி குன்றுதோறாடல் (திருத்தணி), ஆக்ஞை பழமுதிர்ச்சோலையாகும்.

(ப.முத்துக்குமாரசாமி அவர்களின் செந்தமிழ் முருகன் எனும் நூலிலிருந்து, பக்கம்: 16-18)

வில்வ இலை கொண்டு சிவனை அர்ச்சனை செய்தால்... | Siravai Adheenam

தென்சேரி மலை ஆதீனம் - ஓர் எளிய அறிமுகம் | அனந்த கிருட்டிணன் | Siravai Ad...

கைலாய வாத்தியம் | kailaya vathiyam | Avinashi Temple Car Festival 2019 |...

அவிநாசித் திருக்கோயில் தேர்த்திருவிழா | Avinashi Temple Car Festival 201...

அவிநசித் திருக்கோயில் திருப்பணி வரலாறு | Avinashi Temple Renovation Hist...

LOTUS Renovation Fundraising | Swami Satchidananda | Yogaville | Siravai...

Kongunadu was blessed, a century ago, by the birth of
His Holiness, 'Sri Swami Satchidananda' from Chettipalayam, Coimbatore, South India. After his education, he went to Sri Swami Sivananda' Ashram in Rishikesh to learn yoga and practice spirituality. From there he went to Virginia, USA, and founded The Lotus in 1984. The goal of its establishment is to make people of all religions unite to form a spiritual front. LOTUS 'Light Of Truth Universal Shrine', which is an interfaith temple for all religions under one roof. People from all over the world worship at The Lotus and indulge themselves in good deeds. Certain sculptures of The Lotus were made at Kaumara Mutt during the initial stages of the LOTUS By the third pontiff His Holiness, Sundara Swamigal, with the sponsorship of Dr.N.Mahalingam. 'Swami Satchidananda' appointed 37 trustees from all over the world for the patronage. Among them Sundara Swamigal, N.Mahalingam, C.Subramaniam (former finance and defence minister) and Justice SengottuVelan are from Coimbatore, India. The temple, founded 30 years ago, with its noble cause has many visitors every day. The renovation of the temple is about to start. Regarding this, Swami Satchidananda's grandson, Murugesh Arumugam, and his daughter, Shree Murugesh are traveling around the world and raising Funds. I make an appeal to everyone to contribute for this noble cause. With the blessings of Lord Muruga, let us start this with a small contribution from the Kaumara Mutt.

இனிய தமிழ்ப் புத்தாண்டு நல்வாழ்த்துக்கள் | Siravai Adheenam

நெல்லை மழைப்பதிகம் | வண்ணச்சரபம் தண்டபாணி சுவாமிகள் | Siravai Adheenam

குதம்பைச் சித்தர் பாடல்கள் 8 | Kuthambai Siddhar songs | Mathiraja | TK...

பழனி ஆதீனம் - ஓர் எளிய அறிமுகம் | அனந்த கிருட்டிணன் | Siravai Adheenam

சண்முகமாலை 2 | Shanmuga Maalai | இராமானந்த சுவாமிகள் | Siravai Adheenam

சண்முகமாலை 1 | Shanmuga Maalai | இராமானந்த சுவாமிகள் | Siravai Adheenam

குதம்பைச் சித்தர் பாடல்கள் 7 | Kudhambai | Siddhar songs | Mathiraja | T...

கிராமக் கோயில் பூசாரிகள் பயற்சி முகாம் | Siravai Adheenam

குதம்பைச் சித்தர் பாடல்கள் 6 | Kudhambai | Siddhar songs | Mathiraja | T...

ஐ.நா சபையில் சிரவையாதீனம் | Siravai Adheenam @ United Nations Organisati...